Wi snackt over us - SPEELKOPPEL HOYERSWEGE

Düsse Siet op   hochdeutsch

Mit een Versetten fung 1957 allns an.
Mit dat Versetten von Schoolmester Gerd Frerichs an de Volksschool Hoyersweeg.

 

De plattdütsche Spraak to plegen un to wahren, weer em een besünnert Anleegen.

He hett Mitstrieters socht und funn’n und een Theaterstuck – natürlich op Platt – instudeert.

 

„Korl Gramlich regeert“ heet de Eenakter, den 2 Froons und 4 Mannslue von de neegründete "Spälkoppel" an 5. Februar 1958 for die Freewillige Füürwehr mit groden Erfolg opführt hett.

 

50 Johr und 61 Stuck later stund dit Stuck wedder op den Speelplan un makte bi de grode Jubiläumsfier veele Tokiekers op Kunst Deel in Schlutter wedder orig Pläseer.

 

Wat in de 50 Johrn passeert is, könnt Se in us Chronik lesen, de von Rainer Vosteen in leevvoll Arbeit tohoopstellt wurn is. De könnt Se bi’n Vorstand kriegen.

 

Middewiel is de Speelkoppel op over 150 Mitglieders anwussen und mehr as 90 Speelers hebbt in over 70 Stuck ehre Tokiekers bannig veel Spaass mokt.

In bit to 14 Opführungen je Speeltied, de von 1. Advent bit Ende März geiht, hebbt wi use Tokiekers moi unnerholen und se ton luuthalsen Lachen brocht.


So hebbt wi een goden Roop in de Region kregen, wat nich nur in de positive Resonanz in de Presse, sündern ok in de stiegende Tahl vun Tokiekers ehren Nedderslag findt.

 

Kann man us verdenken, dat wi dor so’n beten stolt op sind?

 

Awer wi seht dat ook as Plicht an, us nich op us Lorbeern uttorauhn un in Sinn von us Gründers wieder to maken, de plattdütsche Spraak to wahren un to plegen un an de nawussen Generatschon wieter to geben.

 

Düsse Siet hett Gerold Otte ut'n hochdüütsch oversett. Hartliken Dank daför!


To de hochdüütschen Siet geiht dat   hier

Toletzt opfrischt an'n:

 

18.10.2023

mol sünd nu de Lüüd vun April 2012 an op düsse Siet wesen. Wi freit us bannig över so veel Interesse un dat Se ok dorbi sünd!

Hör mal ’n beten to!

 

Den täglich aktuellen Beitrag nu bi us op de Siet

"Dit un dat" hören!

... un so ward dat Weer bi us:

WetterOnline
Das Wetter für
Ganderkesee
Druckversion | Sitemap
© Speelkoppel Hoyerswege Vs.2 6/2013