De Wintersaison 2024/25 is nu vorbi. Mit een lachenden un een weenenden Oog hebbt wi use leste Vorstellung von us schöned Stück "Männersnööv - Leevst du noch oder büst all doot?" speelt. Dat hett mit use lustige Truppe bannig Spaß mokt.

So veele Tokiekers wie noch nie hebbt use spaßigen Opföhrungen sehen, doröber hebbt wi us bannig freut un bedankt us hartlich bi all de Besööker, de heel tofreern wen. Wat gift dat schönered as use Tokiekers for twee Strunden ton lachen to bringen un dat man mal de Alldagssorgen for eene korte Tiet vergeten kann.

Aber na dat Theater is for dat Theater. Freeluchtoptritte gift dat dit Jahr leider nich, dat geiht nur alle twee Jahr. Aber nu geiht de Söök na eene neede Komödie for denn nächsten Winter los. Is immer nich so eenfach, aber wi weert wat finden un denn kummt man all woller, wenn dat heet:

De Speelkoppel Hoyerswege speelt woller plattdütsched Theater.

Eck hoff wi seht us all gesund woller. Bit dorhen, munter blieven.