Moin tosammen,

Nu is dat endlich so wiet. Wi haan Premiere von us needet Winterstuck: „Ne verrückte Familie“

Dat moss ok dringend losgahn, na de veelen Probeabende. Wi brukt dat Publikum. Und de weern dor. Use Daal weer utverkoftt und de veelen Tokiekers ganz gespannt op dat Stuck. Wi aber ok. Man weet ja vorher nie so genau, wo dat so ankummt. Aber wi haan bannig Spaß bi us speelen und dat Publikum ok.

Erstmal hebbt use Koppelkinner, mit veele neede dorbi, us Gäste ordentlich inheizt und duchtig to ́n lachen bracht. So haan wi mit usen Dreeakter lichtet Speel. De „verrückte Familie“ hett allns geben und alle weern rundum tofreern.

Also disse „verrückte Familie“ möt ji unbedingt kennenleern. Besökt eene von us Vorstellungen und ji seht wat dree Generationen so op de Bühne anstellt.Eck hoff wi seht us.

Bit dorhen wünscht jo de Speelkoppel Hoyerswege eene schöne und besinnliche Adventstiet.

Jor

Herwig Kunst

1. Vörsitter

^^ na baven