De letzte Vorhang is fullen

Wi troert um usen Fründ, usen langjährigen Regisseur, Speelbaas
un Speeler

Kord Struthoff

Siet 1966 hett he mit sien Begeisterung un Leedenschopp för't Theater un
mit sien Leev to use plattdüütsche Spraak use Speelkoppel een Gesicht
geven un se to dat formt, wat se vondaag is: Een Amateur-Bühne, de in de
Region veel Frünn funnen hett.

Dorbi weer em Bewohren un Wietergave vun dat Plattdüütsche jümmers
een besunner Warf. Mit veel Hartblood un groten tiedlichen Insatz betruute
he ok, tosomen mit sien Fro, al vun swooren Lieden tekent, afsiet vun de
Regie to usen aktuellen Stück, use Nowass-Kru.

Wi sünd glücklich, dat et em noch eenmol vergönnt weer, to beleven, as
twee jung Lüüd, de he to dat Plattdüütsche bröcht hett, in düssen Winter
bi us debütiert hebbt un nu mit dorto bistüert, dat us Stück een groten
Erfolg hebben ward.

Wi werrd et missen, as he mit sekeren Gespör für dat Komödiantische
siene Schauspeelers se ehr Stee op de Bühn wiest un de besünneren
Charakters vun de Persoonen in veelen, veelen Stücken to’n Leven bröcht
hett un opletzt, bi all de Ernsthaftigkeit, de Spooß nie nich to koort kamen leet.

Kord Struthoff hett sik um de Speelkoppel Hoyerswege un um de Bewohrung un Pleeg vun de plattdüütschen Spraak verdeent makt.

Wi dankt em för all dat, wat he us in de langen Tied geven hett un weerd
em jümmers in Gedanken bi us hebben. 

Im Namen vun all Mitgleeders vun de Speelkoppel Hoyerswege

Herwig Kunst                     Hella Holldorf
1. Vorsitzender                    2. Vorsitzende  

Schlutter. im Januar 2014